သံ၊ ၁၊ ၃ဝဝ-၁။ သံ၊ မြန်၊ ၁၊ ၂၈၈။ သံ၊ ဋ္ဌ၊ ၂၊ ၆၉။
သံယုတ္တနိကာယ၊ နိဒါနဝဂ္ဂသံယုတ္တ၊ ၁-နိဒါနသံယုတ္တ၊ ၅-ဂဟပတိဝဂ္ဂ၊ တတိယသုတ်။
ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးနေတော်မူစဉ် ဒုက္ခ၏သမုဒယနှင့်အတ္ထင်္ဂမတို့ကို ပဋိစ္စသမုပ္ပါဒအနုလောမ, ပဋိလောမဒေသနာတော်နည်းဖြင့် ရဟန်းတို့အား ဟောကြားတော်မူသည့်သုတ်။
သံ၊ ၂၊ ၁၈။ သံ၊ မြန်၊ ၂၊ ၁၈။
သံယုတ္တနိကာယ၊ ခန္ဓဝဂ္ဂသံယုတ္တ၊ ၁-ခန္ဓသံယုတ္တ၊ ၂-အနိစ္စဝဂ္ဂ၊ ဒုတိယသုတ်။
ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးနေတော်မူစဉ် ခန္ဓာ ၅ ပါးတို့တွင် တစ်ပါးစီ တစ်ပါးစီ၌ ဒုက္ခလက္ခဏာကို သိမြင်သော သုတဝန္တအရိယာသာဝကသည် ခန္ဓာတို့၌ ငြီးငွေ့၏အစရှိသည်ဖြင့် အနတ္တလက္ခဏာသုတ်ဒေသနာတော်အတိုင်း အရဟတ္တဖိုလ်ဆိုက်သည်အထိ ရဟန်းတို့အား ဟောတော်မူသည့်သုတ်။
သံ၊ ၂၊ ၆၄။ သံ၊ မြန်၊ ၂၊ ၆၁။
သံယုတ္တနိကာယ၊ ခန္ဓဝဂ္ဂသံယုတ္တ၊ ၁-ခန္ဓသံယုတ္တ၊ (၇)၂-အရဟန္တဝဂ္ဂ၊ ပဉ္စမသုတ်။
ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးတော်မူစဉ် အညတရရဟန်းက အကျဉ်းချုပ်တရား ဟောတော်မူပါ၊ အာတာပီ, ပဟိတတ္တဖြစ်အောင် နေထိုင်ကျင့်သုံးပါမည်ဟု လျှောက်ထားသဖြင့် ဘုရားရှင်က ဒုက္ခသဘောရှိသောတရား၌ ဆန္ဒကို ပယ်ရမည်ဟု ဟောတော်မူသော အကျဉ်းချုပ်ဒေသနာတော်ကို အညတရရဟန်းက မိမိ အကျယ်အားဖြင့် ခန္ဓာ ၅ ပါးတွင် တစ်ပါးစီ တစ်ပါးစီ၌ ဒုက္ခသဘောရှိသောခန္ဓာ၌ ဆန္ဒကို ပယ်ရမည်ဟု သဘောပေါက်နားလည်ပါကြောင်း လျှောက်ထားသဖြင့် ဘုရားရှင်က သာဓုခေါ်တော်မူပြီး ထိုလျှောက်ထားသည့်အတိုင်း အညတရရဟန်းအား ဟောတော်မူပုံ၊ အညတရရဟန်း ရဟန္တာဖြစ်ပုံကို ဟောတော်မူထားပါသည်။
သံ၊ ၂၊ ၁၂၉။ သံ၊ မြန်၊ ၂၊ ၁၂ဝ။ သံ၊ ဋ္ဌ၊ ၂၊ ၃ဝ၄။ သံ၊ ဋီ၊ ၂၊ ၂၅၇။
သံယုတ္တနိကာယ၊ ခန္ဓဝဂ္ဂသံယုတ္တ၊ ၁-ခန္ဓသံယုတ္တ၊ (၁၁)၁-အန္တဝဂ္ဂ၊ ဒုတိယသုတ်။
ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးနေတော်မူစဉ် ဒုက္ခဟူသည် ဥပါဒါနက္ခန္ဓာ ၅ ပါး အစရှိသည်ဖြင့် တစ်ပါးစီ သရုပ်ထုတ်၍ ဒုက္ခသမုဒယ, ဒုက္ခနိရောဓ, ဒုက္ခနိရောဓဂါမိနိပဋိပဒါတို့ကို ဓမ္မစက္ကပ္ပဝတ္တနသုတ်တော်အတိုင်း ရဟန်းတို့အား ဟောကြားတော်မူသည့်သုတ်။
သံ၊ ၂၊ ၁၄ဝ။ သံ၊ မြန်၊ ၂၊ ၁၃၇။
သံယုတ္တနိကာယ၊ ခန္ဓဝဂ္ဂသံယုတ္တ၊ ၁-ခန္ဓသံယုတ္တ၊ (၁၄)၄-ကုက္ကုဠဝဂ္ဂ၊ ပဉ္စမသုတ်။
ဒုက္ခသဘောရှိသောခန္ဓာ ၅ ပါး၌ ဆန္ဒကို ပယ်ရမည်ဟု ခန္ဓာတစ်ပါးစီ အကျယ်ဟောတော်မူသည့်သုတ်။
သံ၊ ၂၊ ၁၄ဝ။ သံ၊ မြန်၊ ၂၊ ၁၃၇။
သံယုတ္တနိကာယ၊ ခန္ဓဝဂ္ဂသံယုတ္တ၊ ၁-ခန္ဓသံယုတ္တ၊ (၁၄)၄-ကုက္ကုဠဝဂ္ဂ၊ ဆဋ္ဌသုတ်။
ဒုက္ခသဘောရှိသောခန္ဓာ ၅ ပါး၌ ရာဂကို ပယ်ရမည်ဟု ခန္ဓာတစ်ပါးစီ အကျယ်ဟောတော်မူသည့်သုတ်။
သံ၊ ၂၊ ၁၄ဝ။ သံ၊ မြန်၊ ၂၊ ၁၃၇။
သံယုတ္တနိကာယ၊ ခန္ဓဝဂ္ဂသံယုတ္တ၊ ၁-ခန္ဓသံယုတ္တ၊ (၁၄)၄-ကုက္ကုဠဝဂ္ဂ၊ သတ္တမသုတ်။
အထက်သုတ်တော်အတိုင်း ဆန္ဒ, ရာဂကို ပယ်ရမည်ဟု ခန္ဓာတစ်ပါးစီ အကျယ်ဟောတော်မူသည့်သုတ်။
သံ၊ ၂၊ ၁၆ဝ။ သံ၊ မြန်၊ ၂၊ ၁၅၂။
သံယုတ္တနိကာယ၊ ခန္ဓဝဂ္ဂသံယုတ္တ၊ ၂-ရာဓသံယုတ္တ၊ ဒုတိယဝဂ်၊ ပဉ္စမသုတ်။
ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးနေတော်မူစဉ် အရှင်ရာဓထေရ် မေးမြန်းလျှောက်ထားချက်အရ ခန္ဓာ ၅ ပါးသည် ဒုက္ခသဘောရှိပုံ၊ ဤသို့သိမြင်သော အရိယာသာဝကသည် ရဟန္တာဖြစ်နိုင်ပုံကို အနတ္တလက္ခဏသုတ်ဒေသနာတော်နည်းဖြင့် အရှင်ရာဓထေရ်အား ဘုရားရှင် ဟောတော်မူသည့်သုတ်။
သံ၊ ၃၊ ၁၁၆။ သံ၊ မြန်၊ ၃၊ ၁၂၁။
သံယုတ္တနိကာယ၊ မဟာဝဂ္ဂသံယုတ္တ၊ ၂-ဗောဇ္စျင်္ဂသံယုတ္တ၊ ၈-နိရောဓဝဂ္ဂ၊ ဆဋ္ဌသုတ်။
ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးတော်မူစဉ် အနိစ္စဖြစ်သောခန္ဓာ ၅ ပါး၌ ဒုက္ခသညာနှင့်တကွဖြစ်သော ဗောဇ္စျင် ၇ ပါးကို ဝိဝေကနိဿိတ၊ ဝိရာဂနိဿိတ၊ နိရောဓနိဿိတ၊ ဝေါဿဂ္ဂပရိဏာမီဖြစ်အောင် ပွားများလျှင် ကြိမ်ဖန်များစွာ အလေ့အလာပြုလျှင် များစွာအကျိုးအာနိသင်ရှိပုံကို ဗောဇ္စျင်တစ်ပါးစီ အကျယ်ဟောတော်မူသည့်သုတ်။
ယင်းအနိစ္စေ ဒုက္ခသညာကို ပွားများသောရဟန်းသည် အနာဂါမ်, ရဟန္တာ တစ်မျိုးမျိုးဖြစ်နိုင်ပုံ၊ အကျိုးများရန်, ယောဂ ၄ ပါး ကုန်ခန်းရန် များစွာသံဝေဂ(သဟောတ္တပ္ပဉာဏ်)ဖြစ်ရန်, များစွာ ဖာသုဝိဟာရဖြစ်ရန် ဖြစ်နိုင်ပုံကို အကျယ်ဟောတော်မူသည့်သုတ်။
အံ၊ ၂၊ ၂-၃။ အံ၊ မြန်၊ ၂၊ ၃-၄။
အင်္ဂုတ္တရနိကာယ၊ ပဉ္စကနိပါတ၊ ပဌမပဏ္ဏာသက၊ ၁-သေခဗလဝဂ္ဂ၊ တတိယသုတ်။
ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးတော်မူစဉ် အဿဒ္ဓ, အဟီရိက, အနောတ္တပ္ပ, ကုသီတ, ဒုပ္ပညဟူသော တရား ၅ ပါးနှင့်ပြည့်စုံသောရဟန်းသည် မျက်မှောက်ဘဝ၌ ငြိုငြင်ပင်ပန်း ပူပန်ခြင်းနှင့်တကွ ဆင်းရဲစွာနေရပုံ၊ ကွယ်လွန်ပြီးနောက် ဒုဂ္ဂတိဘဝသို့ ရောက်ရပုံ၊ သဒ္ဓါ, ဟီရိ, သြတ္တပ္ပ, အာရဒ္ဓဝီရိယ, ပညာဟူသော တရား ၅ ပါးနှင့်ပြည့်စုံသောရဟန်းသည် မျက်မှောက်ဘဝ၌ပင် မငြိုငြင် မပင်ပန်း မပူပန်မူ၍ ချမ်းသာစွာနေရပုံ၊ ကွယ်လွန်ပြီးနောက် သုဂတိဘဝသို့ ရောက်နိုင်ပုံတို့ကို ကဏှပက္ခ, သုက္ကပက္ခအားဖြင့် ရဟန်းတို့အား ဘုရားရှင် ဟောတော်မူသည့်သုတ်။
အံ၊ ၂၊ ၃၇၄။ အံ၊ မြန်၊ ၂၊ ၄၇၂။
အင်္ဂုတ္တရနိကာယ၊ ဆက္ကနိပါတ၊ ဒုတိယပဏ္ဏာသက၊ ၈-အရဟတ္တဝဂ္ဂ၊ ပဌမသုတ်။
ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးတော်မူစဉ် ကာမဝိတက်, ဗျာပါဒဝိတက်, ဝိဟိံသာဝိတက်, ကာမသညာ, ဗျာပါဒသညာ, ဝိဟိံသာသညာဟူသော တရား ၆ ပါးတို့နှင့်ပြည့်စုံသောသူသည် မျက်မှောက်ဘဝ၌ပင် ငြိုငြင်, ပင်ပန်း, ပူပန်, ဆင်းရဲစွာနေရပုံ၊ ကွယ်လွန်ပြီးနောက် ဒုဂ္ဂတိဘဝသို့ ရောက်ရပုံ၊ နေက္ခမ္မဝိတက်, အဗျာပါဒဝိတက်, အဝိဟိံသာဝိတက်, နေက္ခမ္မသညာ, အဗျာပါဒသညာ, အဝိဟိံသာသညာဟူသော တရား ၆ ပါးတို့နှင့်ပြည့်စုံသောသူသည် ပစ္စုပ္ပန်ဘဝ၌ပင်လျှင် ငြိုငြင်ပင်ပန်း ပူပန်ခြင်းမရှိမူ၍ ချမ်းသာစွာ နေရ၏ဟု ကဏှပက္ခ, သုက္ကပက္ခအားဖြင့် ရဟန်းတို့အား ဘုရားရှင် ဟောတော်မူသည့်သုတ်။
အံ၊ ၂၊ ၃၈၅။ အံ၊ မြန်၊ ၂၊ ၄၈၅။
အင်္ဂုတ္တရနိကာယ၊ ဆက္ကနိပါတ၊ ဒုတိယပဏ္ဏာသက၊ ၁ဝ-အာနိသံသဝဂ္ဂ၊ စတုတ္ထသုတ်။
ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးတော်မူနေစဉ် တစ်စုံတစ်ခုသော သင်္ခါရကို သုခဟု အဖန်ဖန်ရှုမှတ်သောရဟန်းသည် အနုလောမိကခန္တီ၊ သမ္မတ္တနိယာမသို့ မသက်ရောက် ဖိုလ် ၄ ပါးကို မျက်မှောက်မပြုနိုင်ပုံ၊ ဒုက္ခဟု အဖန်ဖန်ရှုမြင်သောရဟန်းသည် အနုလောမိကခန္တီ၊ သမ္မတ္တနိယာမသို့ သက်ရောက်နိုင်ပုံ, ဖိုလ် ၄ ပါးကို မျက်မှောက်ပြုနိုင်ပုံကို ဘုရားရှင်က ရဟန်းတော်များအား ဟောတော်မူသည့်သုတ်။
ကျမ်းညွှန်း
အရှင်ကုမာရထေရ် (မဟာသိမ်တော်ကြီးပရိယတ္တိစာသင်တိုက်ကြီး)၊ တိပိဋကသုတ္တသူစိကျမ်း(ဒု-တွဲ)၊ ပထမအကြိမ်၊ ၂ဝ၁၂၊ နိုဝင်ဘာလ၊ ယုံကြည်ချက်စာပေတိုက်၊ ၁၁၁၊ ၃၃-လမ်း၊ ရန်ကုန်မြို့၊ နှာ-၁၉၁-၅။